Жетісай ауданына қарасты І.Есенберлин атындағы №54 жалпы білім беретін мектептің 8 сынып оқушысы Әсел Бөкенбай Біріккен Араб Әмірліктерінің Дубай қаласында өткен Халықаралық «BRAIN MASTER – 2025» білім бәйгесінде ағылшын тілі бағыты бойынша бас жүлдені жеңіп алды.
Жыл сайын әлемнің әр түкпірінен мыңдаған дарынды оқушыларды жинайтын бұл зияткерлік додада бақ сынау – кез келгеннің қолынан келе бермейтін жетістік. Осындай ауқымды білім сайысында облыстың ғана емес, бүкіл қазақ елінің абыройын асқақтатқан Әселдің бұл жеңісі – зор мақтаныш. Жас таланттың халықаралық деңгейдегі жеңісі оның өз еңбегінің, ұстаздарының тәлімі және ата-анасының қолдауының нәтижесі екені сөзсіз. Мектеп әкімшілігі мен ұстаздар қауымы Әселдің биік белестерді бағындыруына сенім білдіріп, оған әрі қарай да шығармашылық табыс тілейді.