«БІЗ - ЖЕҢІСТІҢ МҰРАГЕРІМІЗ!» АТТЫ ЕСКЕ АЛУ ЭСТАФЕТАСЫ ТӨЛЕБИ АУДАНЫНДА ЖАЛҒАСТЫ

«БІЗ — ЖЕҢІСТІҢ МҰРАГЕРІМІЗ!» АТТЫ ЕСКЕ АЛУ ЭСТАФЕТАСЫ ТӨЛЕБИ АУДАНЫНДА ЖАЛҒАСТЫ

9 просмотров

«БІЗ - ЖЕҢІСТІҢ МҰРАГЕРІМІЗ!» АТТЫ ЕСКЕ АЛУ ЭСТАФЕТАСЫ ТӨЛЕБИ АУДАНЫНДА ЖАЛҒАСТЫ

Түркістан облысы Ленгір қаласының орталық алаңында Жеңістің 75 жылдығына орай «Біз — Жеңістің мұрагеріміз!» атты тағзым эстафетасы жалғасты.

Еске алуға жиналғандар орталық саябақта орналасқан Ұлы Отан соғысы ардагерлеріне арналған «Мәңгілік алау» ескерткішіне гүл шоқтарын қойып, тағзым етті. Салтанатты жиында Қазақстан Республикасы Ұлттық ұланның «Оңтүстік» өңірлік қолбасшылығының қолбасшысының орынбасары, полковник Алкешев Ниязтай, Төлеби ауданы әкімінің орынбасары Дүйсебаев Сержан, Ленгір қалалық ардагерлер кеңесінің төрағасы Абдуқаймов Ордабек сөз алып, құттықтауларын жеткізді.

Аталған игілікті іс 2018 жылы 28 қыркүйекте Душанбе қаласында өткен ТМД Мемлекет басшылары Кеңесінің шешімімен бекітілген Жеңістің 75 жылдығын мерекелеуге бағытталған негізгі іс-шаралар жоспары аясында өткізілуде. Бұл еске алу эстафетасы 5 ақпан – 5 мамыр аралығында еліміздің барлық өңірінде 1941-1945 жылдары Алматыда жасақталған генерал-майор И.В.Панфилов басқарған 8-ші атқыштар дивизиясының Жауынгерлік Туының көшірмесінің қатысуымен қолға алынатын болады.

Эстафета Ұлы Отан соғысында Отанын жанқиярлықпен қорғаған қазақстандық жауынгерлердің ерлігіне құрмет көрсету, есімдерін ел есінде сақтау мақсатында ұйымдастырылуда.

Добавить комментарий

Ваш адрес email не будет опубликован. Обязательные поля помечены *