КЕЛЕСТЕ КЕПІЛДЕНДІРІЛГЕН ӘЛЕУМЕТТІК ПАКЕТ ТАРАТЫЛУДА

КЕЛЕСТЕ КЕПІЛДЕНДІРІЛГЕН ӘЛЕУМЕТТІК ПАКЕТ ТАРАТЫЛУДА

118 просмотров

КЕЛЕСТЕ КЕПІЛДЕНДІРІЛГЕН ӘЛЕУМЕТТІК ПАКЕТ ТАРАТЫЛУДА

Мемлекет басшысы Қасым-Жомарт Тоқаев Қазақстан халқына арнаған «Cындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында ашықтықты, әділеттікті және еңбекке ынталандыруды қамтамасыз ете отырып, атаулы әлеуметтік көмек тағайындау тетігін түзетуді тапсырған болатын. Осыған байланысты Үкімет 2020 жылдан бастап әлеуметтік көмек көрсетудің жаңа механизмдерін енгізді.
Жалпы атаулы әлеуметтік көмек соңғы өзгерістер бойынша әр тоқсан сайын тағайындалып, тиісті көлемде беріліп жатыр. Негізгі өзгерістердің бірі – кепілдендірілген әлеуметтік пакет. Бұл әлеуметтік топтама тек атаулы әлеуметтік көмек алатын отбасылардағы 1 жастан 6 жастағы балаларға және 6 жастан 18 жасқа дейінгі мектеп жасындағы балаларға арналған.
Кепілдендірілген әлеуметтік пакеттің екі түрі бар, олар баланың жасына байланысты. Мәселен, 1 жастан 6 жасқа дейінгі балалар үшін азық-түлік тауарлары мен тұрмыстық химия тауарлары қарастырылған.
Азық-түлік тауарлары түрлі жарма, пюре, шырын, сүт және т.б. қамтиды. Бұл азық-түлік өнімдерін темір мен басқа да дәрумендердің, минералдардың жетіспеушілігін ескере отырып Денсаулық сақтау министрлігі ұсынған. Азық-түлік жиынтығын балалар ай сайын алатын болады. Сондай-ақ, тіс пастасын, балаларға арналған щетка, кір жуатын ұнтақ, сабын сияқты тұрмыстық химия тауарлары тоқсанына бір рет ұсынылады. Әр балаға бір пакеттен беріледі.
6 жастан 18 жасқа дейінгі балалар үшін ыстық тамақ, мектеп киімдері мен оқу құралдарын сатып алу, жол жүру шығындарын өтеу, сондай-ақ тегін медициналық қызмет көрсету қарастырылған. Мектеп жасындағы балаларға әлеуметтік топтама оқу жылының соңына дейін мектеп тарапынан беріледі. Ал азық-түлік жиынтығы мен химиялық тауарлар жергілікті атқарушы органдар арқылы үлестіріледі.
Келес ауданының ауыл және ауылдық округтерінен 2020 жылдың 1 тоқсанында мемлекеттік атаулы әлеуметтік көмекке өтініш берген 3922 отбасының 1 жастан 6 жасқа дейінгі 6617 балаларына кепілдендірілген әлеуметтік топтамасы және химиялық тауарлар пакеті беріліп жатыр. Сондай-ақ, 6-18 жас аралығындағы 6 мыңнан аса бала ыстық тамақпен қамтылатын болады.
Қазіргі уақытта Ұшқын, Алпамыс, Жамбыл, Бозай және Бірлесу ауылдық округтеріне таратылып берілді. Алдағы уақытта қалған округтердің барлығына таратылып берілетін болады.

Добавить комментарий

Ваш адрес email не будет опубликован. Обязательные поля помечены *