ШЫМКЕНТ: 49,8 шақырым жолда күрделі жөндеу жұмыстары жүргізілуде

ШЫМКЕНТ: 49,8 шақырым жолда күрделі жөндеу жұмыстары жүргізілуде

17 просмотров

ШЫМКЕНТ: 49,8 шақырым жолда күрделі жөндеу жұмыстары жүргізілуде

Бұл туралы қалалық жолаушылар көлігі және автомобиль жолдары басқармасының басшысы Е.Жолдасов «Nur Otan» партиясының сайлауалды бағдарламасының орындалуы бойынша депутаттарға берген есебінде атап өтті.

Оның айтуынша, жалпы қала бойынша орташа жөндеу жұмыстары бойынша 173,2 шақырым жолға жөндеу жұмыстары жүргізілуде. Жыл қорытындысы бойынша бұл жұмыстар толығымен аяқталады. Атап айтқанда, 9 магистралды көше, 69 ішкі орам көше, шалғай елдімекендердегі 62 көше, 8 оң жақ өткелдер нысаны. Жолдардың 50 %-ға жуығы шалғай елдімекендерде орналасқан.

«Сонымен бірге қалада 49,8 шақырым жолда күрделі жөндеу жұмыстары жүргізілуде. Абай ауданы бойыша 9,1 шқ жол «Шымкент Дор Строй» ЖШС жұмыс жүргізіп жатыр. Қазіргі уақытта жөндеу жұмыстарының 90% аяқталған. Әль-Фараби ауданы бойынша 17 нысан бойынша 6 шақырым жолды «Корпорация Береке-А» ЖШС-гі толық аяқтап біткен. Ал, Қаратау ауданы бойынша 37 нысанның күрделі жөндеу жұмыстарымен «Отау -Строй» және «Алем Транс Жол» ЖШС-тері жүргізуде. Бүгінде құрылыс жұмыстарының 75 пайызы аяқталған»,-деді басқарма басшысы.

Жиында сонымен бірге басқарма басшысы қоғамдық көлік пен олардың интервалын сақтау мәселесін, аялдамалар орнату жұмыстары мен жол сапасын және қоғамдық көліктердегі төлем жүйесі бойынша атқарылып жатқан жұмыстарға тоқталып өтті.

Добавить комментарий

Ваш адрес email не будет опубликован.