ШЫМКЕНТ: Апта сайын әлеуметтік желіде өтетін тікелей эфир қайта жалғастырылды

ШЫМКЕНТ: Апта сайын әлеуметтік желіде өтетін тікелей эфир қайта жалғастырылды

22 просмотров

ШЫМКЕНТ: Апта сайын әлеуметтік желіде өтетін тікелей эфир қайта жалғастырылды

Шымкент қаласының әкімі Мұрат Әйтенов әлеуметтік желіде апта сайын өтетін тікелей эфирін қайта жалғастырды. Әдеттегідей қала басшысы алдымен қалыптасқан эпидахуал жөнінде қысқаша айтып өтіп, жағдайдың күрделі екендігін, бекітілген санитарлық талаптарды сақтау жақындарымыздың амандығына кепіл болатынын айтты.

Бүгінгі эфир тұрғын үй қатынастары саласындағы маңызды мәселе – мүлік иелері бірлестігі мен жай серіктестіктер мәселесіне арналды.

«Бір үй — бір бірлестік — бір шот» қағидаты бойынша іске асатын бұл реформа тұрғын үй қатынастарын жаңа деңгейге шығармақ. Көпқабатты тұрғын үйді басқару формасы айқындалып, пәтер және тұрғын емес үй жайлары иелеріне ортақ мүлікті басқаруға кең мүмкіндіктер берілмек.

Тұрғын үйді басқарудың жаңа нысанын енгізу арқылы әрбір үйге өз тұрғындары ішінен ортақ ұйым құрып, оның есепшоты арқылы қаржылық операциялар жүргізуге мүмкіндік беріледі. Осы ұйымдарға біріккен тұрғындар өзара кеңесе отырып, ортақ мүлікті басқаруды іске асырады, олар бойынша жөндеу жүргізу, жалға беру бастамаларын атқарады.

Тұрғындар тарапынан түскен сауалдардың мазмұны әркелкі болды. Оның ішінде экологиялық жобалар, тұрғын үй құрылысы, коммуналдық салаға қатысты сұрақтар, індетпен күрес мәселелері, балалардың сабаққа бару мүмкіндігі, тағы басқа сұрақтар болып, толыққанды жауаптар берілді.

Добавить комментарий

Ваш адрес email не будет опубликован.