ТҮРКІСТАН: СЕНБІДЕ 5 ОТБАСЫЛЫҚ ІС ШАРА ТОҚТАТЫЛДЫ

ТҮРКІСТАН: СЕНБІДЕ 5 ОТБАСЫЛЫҚ ІС ШАРА ТОҚТАТЫЛДЫ

168 просмотров

ТҮРКІСТАН: СЕНБІДЕ 5  ОТБАСЫЛЫҚ ІС  ШАРА  ТОҚТАТЫЛДЫ

Түркістан  облысында коронавирусты инфекцияның алдын алу мақсатында 8 тамыз күні   мобильді топтармен  облыстық тауарлар мен көрсетілетін қызметтердің сапасы мен қауіпсіздігін бақылау департаментінің аудандық және қалалық басқарма мамандарымен бірлесіп Түркістан облысының Бас мемлекеттік санитариялық дәрігерінiң 2020 жылғы 17 шілдедегі №28 Қаулысымен бекітілген талаптардың орындалуын қамтамасыз ету мақсатында мониторингілеу жұмыстары жүргізілді.

Рейд барысында  сенбі күні 30-40 адамның қатысуымен 5  отбасылық іс шаралар тоқтатылды. Атап айтар болсақ: Түркістан қаласында 30 адамның қатысуымен беташар, Жетісай ауданында 40 адамның қатысуымен тұсаукесер, Мақтаарал ауданында 40 адамның қатысуымен 2 беташар және қыз ұзату отбасылық іс шаралары жеке үйде және дәмханаларда өткізу фактілері анықталды.

Мобильдік топ тарапынан өткізілген отбасылық іс шаралар тоқтатылып, ҚР ӘҚБ Кодексінің 425 бабының 1 тармағына сәйкес  жауапты тұлғаларға хаттамалар  толтырылып, 30 АЕК көлемінде айыппұл салынады. 7 күн ішінде айыппұлды өтейтін  болса 50 пайызы төленеді.

Мобильді топтармен  жүргізілген рейд жұмыстарының нәтижесі бойынша  Түркістан  облысы бойынша карантин талаптарын сақтамаған жеке кәсіпкерлерге, заңды тұлғаларға және жеке тұлғаларға 66 миллон 227 мың  520 теңге  айыппұл салынған. 

Алдағы демалыс күндері өңірде шектеу шаралары күшейтіліп, рейд жұмыстары өз жалғасын табады.

Добавить комментарий

Ваш адрес email не будет опубликован. Обязательные поля помечены *