ТҮРКІСТАНДА БІРШАМА НЫСАННЫҢ ҚЫЗМЕТІ ҚАЙТА ЖАНДАНДЫ

ТҮРКІСТАНДА БІРШАМА НЫСАННЫҢ ҚЫЗМЕТІ ҚАЙТА ЖАНДАНДЫ

44 просмотров

ТҮРКІСТАНДА БІРШАМА НЫСАННЫҢ ҚЫЗМЕТІ ҚАЙТА ЖАНДАНДЫ

Түркістан облысы Бас мемлекеттік санитариялық дәрігерінің Қаулысына сәйкес, бүгіннен бастап қоғамдық тамақтану орындары жұмысын жалғастырады. Айта кететін жайт, кафелер 10.00-22.00 аралығында 50 орынға дейін, ұжымдық іс-шараларсыз қызмет етеді.⠀Барлық діни нысандар да сақтық шараларын, бетперделік режим мен дезинфекция жұмыстарын жандандыра отырып, есігін ашады (жалпы қызмет келемінің 30% дейін ғимаратты толтырып).⠀Салауатты өмір салтын ұстану үшін спортпен шұғылдану нысандары қызметін күшейтілген санитариялық- дезинфекциялық тәртіпті сақтай отырып жалғастырады. Тренажерлық залдардағы техникалар арасында арақашықтық сақтау талап етіледі. Сонымен қатар, моншалар мен сауналар да арнайы алгоритмді сақтай қызметіне кіріседі.⠀Ал, мектепке дейінгі кезекші топтар қызмет жасайтын ата-анадан сұраныс болған жағдайда ашылатынын хабарлаймыз. Ол үшін ата-ана жұмыс орнынан анықтама көрсете отырып, балабақшаға сұраныс беруі қажет. Кем дегенде 20 сұраныс түскенде балабақша жұмысын жалғастырады.⠀Бұлардан бөлек, теміржол және автовокзалдар да тұрғындар үшін есігін ашып, жолаушылар тасымалдауын жалғастырады.⠀Дегенмен, билет алушылар тек кассаға билет алу және банкомат үшін белгіленген қоршаумен ғана кіре алады.⠀Басқа қаладан келгендер болса бас қақпадан емес, сары түспен көрсетілген сызық арқылы вокзалдың оң жақ бетіндегі қақпа арқылы өтеді. Яғни, келуші мен кетуші қарама-қарсы бағытта  бір-бірімен кездеспейді.⠀Аталған жұмыстар карантин режимінің сақталып, қауіпсіздікті жандандыру үшін қолға алынды. Ол үшін полиция, сэс және  вокзал қызметкерлері жұмылдырылды.

Добавить комментарий

Ваш адрес email не будет опубликован. Обязательные поля помечены *