ЫНТАЛАНДЫРУ ІСІ ЖЕТІСТІКТЕРГЕ ЖОЛ АШПАҚ

ЫНТАЛАНДЫРУ ІСІ ЖЕТІСТІКТЕРГЕ ЖОЛ АШПАҚ

7 просмотров

ЫНТАЛАНДЫРУ ІСІ ЖЕТІСТІКТЕРГЕ ЖОЛ АШПАҚ

         Түркістан қаласы аумағында кәсіпкерлерді оның ішінде бизнеске енді араласқан жастарды ынталандыру ісі жүргізіліп келе жатқаны белгілі. Осы бағытта кәсіпті дамытуға ерекше ден қойып, мемлекет жеңілдіктерін пайдалану мақсатында оңтайлы жобалар қолға алына бастады. Сол бастамалардың ішінде өткен жылы Түркістанда алғаш рет жас кәсіпкерлерді қолдау мақсатында «Damdi Turkistan» тағамдар фестивалі, балалар бизнес жәрмеңкесі секілді жаңа жобалар қолға алынды.  Айта кетерлігі, «Damdi Turkistan» тағамдар фестивалінде бір қазанда жеті түрлі «Достық» палауы және ұзындығы 5 метр кәуап пісірілді. Нәтижесінде жеңімпаз кәсіпкерге қаланың орталығынан кәсіп жасауы үшін арнайы жер телімі ұсынылды. Сондай-ақ, жастардың бойындағы қабілетін ұштай түсетін жобалар қатары да аз болмады. «Квартирник», «Шабыт» кештері өнерпаз жастарға кең мүмкіндік тудырғанын айта кету қажет. Ал, салауатты өмір салтын ұстанып, серуен құру үшін «Turkistan bike» (жалға берілетін велосипед) жобасы іске асып, қаланың әр бөлігіне орнатылды.

Облыс орталығын дамытуда өңір басшысы Өмірзақ Естайұлының Арыс қаласын аяққа тұрғызған жобасы, Түркістанда да іске асып, қаладағы мәселелерді шешу жолдарын ыңғайластыру үшін 32 секторға бөлінген. Бұл аймақтардың жұмысы бүгінде өз жемісін беріп келеді. 175 мыңға жуық халқы бар шаһар тұрғындарына жайлы жағдай жасау мақсатында облыс аудандары мен басқармалары үлес қосуда.  

Добавить комментарий

Ваш адрес email не будет опубликован. Обязательные поля помечены *