Түркістан қаласының әкімі Нұрбол Тұрашбеков қала жастарымен кездесіп, атқарылатын жұмыстар және алдағы жоспарлар бойынша пікірлесті.
Кездесуге арнайы қатысқан атақты медиа-тренерлер түркістандық жастарға өз бастамаларымен шеберлік сабақтарын ұсынды. Атақты журналист Динара Сәтжан — жеке бренд қалыптастыру, экономист Дәулет Төлеутайұлы — қаржылық сауат, психолог Айя Нұрдәулетқызы отбасы және жеке орта бойынша білімдерімен бөлісіп, бірқатар кеңестер берді.
«Әр адамның қабілеті бар: бірі — балалық шағынан белгілі болатын, енді бірі — уақыт өте шыңдалып, танылатын. Бүгінгі кездесу — жастарымызға жаңа қырын ашуға мол мүмкіндік деп білемін. Заман көшіне ілесу үшін әрине үздіксіз даму керек және жастарымыз бұл бағытта биік жетістіктерге жетеді деп сенемін»,- деп Нұрбол Әбдісаттарұлы шаһар қонақтарына ізгі ниеті мен алғысын жеткізді.