Республикамыздың барлық өңірлерінде 24-30 қаңтар аралығында «Тұрмыс» жедел профилактикалық іс-шарасы өткізілуде.
Осыған орай, аталған акциясы аясында бүгін Отырар ауданы әкімдігінің ішкі саясат бөлімінің «Жастар ресурстық орталығы» қызметкерлері және Отырар аудандық полиция бөлімі, аудандық ақсақалдар алқасының қатысуымен жиын өтті.
Іс-шараның негізгі мақсаты – тұрмыстық қатынастар саласында орын алуы ықтимал құқық бұзушылықтар мен қылмыстардың алдын алу, қылмыс пен құқық бұзушылыққа бейім тұлғаларға қатысты қорғау нұсқамасын шығарып, ерекше талап белгілеу. Сондай-ақ, профилактикалық есепте тұратын адамдармен тиісті жұмыстарды ұйымдастыру, ақпараттық-насихаттау болып табылады.
Бүгінгі «Тұрмыс» жедел-профилактикалық іс-шарасы кезінде, отбасы-тұрмыстық қатынастар саласында құқықбұзушылықтардың алдын-алу мақсатында, ауданымызда профилактикалық шаралар жүріп жатқандығы қозғалды.
Сонымен қатар, Тұрғындардың көкейінде жүрген сұрақтарға өкілетті орган мамандары жауап беріп, осы іс-шара аясында аудандық жергілікті полиция қызметінің учаскелік полиция инспекторларымен тәрбиесіне оң ықпал ету мақсатында ішімдікке бейім азаматтарды қоғамдық кеңеске салу жұмыстары жүргізілуде.