ТҮРКІСТАНДЫҚТАР ҚҰСБЕГІЛІК САЙЫСЫНАН ЧЕМПИОН АТАНДЫ

Жуырда Талдықорған қаласында жастар арасында «Құсбегілік» ұлттық спорт түрінен Қазақстан Республикасының XIV чемпионаты аяқталды.

Ұлттық спортты ұлықтаған бұл дүбірлі додаға Түркістан облысынан 8 спортшы қатысып, жүлделі орындарға ие болды. Атап айтсақ ителгі салу сайысынан Салтанат Мусалим бас жүлдені жеңіп алды. Ал, тағы бір талантты спортшы Паң Төлемырза құсбегілік спорт түрінен қола жүлдені иеленді.

Әсем табиғат аясында өткен сайысқа 70-тен аса құсбегі бас қосты. Қолдарына қыран бүркіт, қаршыға мен ителгі қондырған республиканың әр аймағындағы Жасөспірімдер мен балалардың спорт мектептерінің оқушылары үш күн бойы сайыстың көрігін қыздырды.

Сонымен қатар, қаршыға салу сайысында Паң Төлемырза күміс жүлдегер атанса, Намазбай Мұхаммед қола жүлдені еншіледі. Осылайша, жалпыкомандалық есепте Түркістан облысы бас жүлдені иеленді.

Добавить комментарий

Ваш адрес email не будет опубликован.

Вы не можете скопировать содержимое этой страницы