ТҮРКІСТАН ҚАЛАСЫ ОБЛЫСТЫҚ V-ШІ СПАРТАКИАДАНЫҢ ЖЕҢІМПАЗЫ БОЛДЫ

Түркістан облысының құрылғанына 5 жыл толуына орай ұйымдастырылған ересектер арасындағы Түркістан облысының V-ші спартакиадасы өз мәресіне жетті.
Жыл сайын дәстүрлі түрде жалауы түрілетін спартакиаданың мақсаты- салауатты өмір салтын қалыптастыру мен халық арасында бұқаралық спортты насихаттауға бағытталған.
Биыл сайысқа қатысушылар спорттың 8 түрінен: волейбол, үстел теннисі, стритбол, шағын футбол, тоғызқұмалақ, шахмат, жүзу, қазақ күресі спорт түрлерінен бақ сынады.
Жарыс қорытындысында 161 ұпай жинаған Түркістан қаласының құрамасы жалпы командалық есепте І-орынды иеленді. Олардың қоржынында 2 алтын, 4 күміс медаль бар. Ал, жүлделі ІІ-орын 146 ұпай жинаған Шардара ауданының командасына бұйырды. Шардаралықтар 2 алтын, 2 қола медальға қол жеткізді. Сондай-ақ, Жетісай ауданының спортшылары 133 ұпаймен ІІІ-орынға тұрақтады. Жетісай ауданының қоржынында 1 алтын, 1 қола медаль бар.
Тартысқа толы өткен спартакиаданың жеңімпаздары мен жүлдегерлеріне арнайы тағайындалған кубоктар мен медальдар және алғыс хаттар табысталды.

Добавить комментарий

Ваш адрес email не будет опубликован.

Вы не можете скопировать содержимое этой страницы