Демалыс күндері өрт қауіпсіздігі айлығы аясында Абай ауданы ТЖ басқармасының қызметкерлері өрт қауіпсіздігі талаптарын сақтау бойынша профилактикалық рейд өткізді. Бірлескен рейд Қызылжар шағын ауданында Махмудов көшесінде өткізілді. Оған мамандандырылған жасақтың қызметкерлері мен «Жас Отан» жастар қанатының еріктілері қатысты.
Рейд барысында шағын аудан тұрғындарына жылыту маусымы қарсаңында өрт қауіпсіздігінің негізгі талаптары жеткізілді. Өрт қауіпсіздігі мәселелері бойынша өзекті жадынамалар таратылды.
ТЖ қызметкерлері тұрғындарды өздерін және жақындарын қорғауға, өрт қауіпсіздігі мәселелеріне жауапкершілікпен қарауға шақырады! Өрт ережелерін бұзушыларға әкімшілік жауапкершілік қаралатынын ескертеді.
Өрт қаупінің алдын алуға арналған мұндай іс-шаралар тұрмыстық жағдайда туындайтын өрт санын қысқартуға, азаматтардың меншігін сақтап қалуға және адам шығынын болдырмаудың алдын алуға көмектеседі.
Өрт аймағында болсаңыз немесе куәгер болған жағдайда «112» және «101» нөміріне тез арада хабарлау керек.
Шымкент қаласы ТЖ Департаментінің сенім телефоны: 8 (7252) 33-74-78.