COVID-19- ҒА ҚАРСЫ»PFIZER» ВАКЦИНАСЫН 3744 ТҰРҒЫН ЕКТІРДІ

«Covid-19» инфекциясымен күрес облыс орталығында қарқынды жүзеге асырылуда.

Күнделікті мобилді топтың рейдтік шаралары нәтижесінде жыл басынан бері жалпы 25 335 нысан карантин талаптарының сақталуына тексеріліп, 906 хаттама толтырылды.

Ал, індетпен күрестегі вакцинациялау көрсеткішіне сәйкес, I-ші компонентті ектіргендер – — 104 792адам болса, II-ші компонентті – 102 317азамат салдырды.

Қазірде екпе егу нүктелерінде мамандар «Hayat Vax», «Sputnik V», «QazVac» вакциналарымен қатар, «CoronaVac» және «Pfizer» вакцинасын пайдалануда.

«Pfizer» вакцинасы — коронавирусқа қарсы вакцинаның бұл түрін 12 жастағы және одан үлкен жасөспірімдер, жүкті әйелдер (жүктіліктің 16 аптасынан бастап 37 аптасына дейін), лактация кезеңіндегі әйелдер босанғаннан кейінгі кезең аяқталған 42 күннен кейін) салдыра алады.

Неміс биотехнологиялық BioNTech компаниясы мен америкалық Pfizer фармацевтикалық компаниясының бірігуімен шығарылған.

Қазіргі таңда аталған вакцинаны қалада 3744 тұрғын ектірді.

Соңғы статистикаға сай, «COVID-19» диагнозымен – 15 науқас тіркелсе, пневмония диагнозымен тіркелмеген.

Жыл басынан бері 76 938 адам ПТР тест тапсырып, денсаулығын тексерді.