Әзірге оның қашан шығатыны белгісіз, деп хабарлайды Pavlodarnews.kz. Қазақстандық диджей Иманбек Зейкенов өзінің Instagram парақшасында жаңа трек жариялады. — @wizkhalifa, @kddkrap, @kiddomusic-пен фит жазғаным жақсы болар еді, – деп әзілдеді саунд-продюсер. Жаңа тректің тыңдарманға жол тартуы үшін Иманбекпен қатар американдық рэпер Wiz Khalifa, швед әншісі Kiddo және ресейлік хип-хоп әртісі, продюсер KDDK жұмыс істеп жатыр. Әнші Kiddo да өзінің Instagram парақшасында жаңа фит туралы айтты. — Бұл әріптестіктің бір бөлігі болу өте қуанышты жайт, – деді орындаушы. Ол музыканың бір бөлігін 2013 жылы «Евровидениеде» өнер көрсеткен Швед музыканты Робин Шернбергпен бірге жазғанын айтты. Жаңа жұмыс «Ordinary world» деп аталуы мүмкін.