Биыл Түркістан облысында экономикалық өсім байқалады. Яғни облыс экономикасына 97,2 млрд. теңге инвестиция бағытталып, 1,6 есе артқан. Сонымен қатар макронеркәсіп өнімінің көлемі 209,4 млрд. теңгеге жетіп, өткен жылдың сәйкес кезеңіне өсім 106,3% құрады. Ауыл шаруашылығының жалпы өнім көлемі 118,4 млрд. теңгені, былтырғы жылмен салыстырғанда 101,1%-ды құрап отыр. Мемлекет басшысы еліміздің әлеуметтік-экономикалық даму мәселелері жөніндегі кеңейтілген кеңесте жалпы ішкі өнімнің өсімін жыл сайын 6 пайыздық деңгейде қамтамасыз етуді тапсырған болатын. Келелі кеңес отырысында инфляцияны осы жылдың қорытындысымен 2 есе төмендету мәселесі қаралды. Атап айтсақ, өңдеу өнеркәсібі, агроөнеркәсіп, құрылыс кешені, т,б өзекті мәселелер аясында өсудің қосымша көздерін табу керектігін айтқан болатын. Сонымен қатар ауыл шаруашылығын субсидиялау саласындағы сыбайлас жемқорлық тәуекелдеріне кешенді талдау жұмыстарын жүргізу нәтижесінде облыстық ауыл шаруашылығы басқармасы қызметіндегі сыбайлас жемқорлық тәуекелдеріне ауқымды талдау жұмыстарын жүргізіп, субсидиялау саласына қатысты бірқатар заңбұзушылықтарды әшкереледі. Талдау нәтижесіне сәйкес субсидияны жымқыру үшін жылдан жылға бірдей схемалар қолданылып келген. Біздің өңірде ауыл шаруашылығына қатысы жоқ тұлғаларға субсидия бөлу, шығынды кәсіпорындарды инвестициялау және тағы басқа кемшіліктер анықталды. Жер қатынастары саласында мемлекеттік мұқтаж үшін жерлерді негізсіз сатып алу, бағасын қолдан көтеру, жерлерді негізсіз беру бойынша талдау жұмыстары аяқталу сатысында.
Осы мәселер аясында Келес ауданында өңірдің келешегіне нұқсан келтіретін бірқатар кемшіліктер анықталды. Түркістан облысының әкімі Дархан Сатыбалды Келес ауданына жұмыс сапарымен барып, облыс және аудан активімен көшпелі мәжіліс өткізді. Аймақтағы қордаланған мәселелер, түрлі салалардағы кемшіліктер сараланып, ұсыныстар айтылды. Ауданның экономикасын жақсарту, инвестиция тарту, ауыл шаруашылығын және басқа да салаларды дамыту жолдары талқыланған мәжілісте осы жұмыстарды кері тартатын әрекеттер де қатаң сыналды. Осы уақыт аралығында ауданда сыбайлас жемқорлық фактілері жиі орын алған. Осыған байланысты өз құзыреттеріңіздің шегінде сыбайлас жемқорлықтың алдын алу бойынша жүйелі түрде түсіндіру жұмыстарын жүргізуді тапсырды облыс әкімі Дархан Сатыбалды.
Бұл бағытта нақты, нәтижелі шаралар қажет. Кәмелетке толмағандар қылмысының алдын алу, есірткіге қарсы күрес, жасөспірімдердің құқығын қорғау бойынша полиция департаментімен бірге қажетті іс-шаралар жоспары қабылдансын. Мектеп оқушыларының қауіпсіздігін қамтамасыз ету үшін жаяу жүргіншілер жолы, бағдаршам және жарық бағаналары орнату. Жалпы, білім беру ұйымдарының жұмысын жақсарту, білім сапасын арттыру бағытында жүйелі өзгерістерді қабылдау керек. Тұрғын үй-коммуналдық шаруашылығы саласында жылдар бойы шешімін таппай жүрген мәселелер бар. Игілік елді мекеніндегі ауыз су жүйелерінің құрылысы қолға алынғанымен, нысан екі жылдан бері іске қосылмай тұр. «Қызыләскер» қосалқы станциясының құралдары қараусыз қалған. 2021 жылдан бері 8 елді мекен табиғи газға қосылмаған. Аудан әкімі тиісті басқармалармен бірлесе отырып, қысқа мерзімде шешімін тауып, нысандарды іске қосу бойынша қажетті жұмыстарды атқарсын. Мемлекет басшысы өңірлерді дамыту бойынша Қасым-Жомарт Тоқаев маңызды міндеттер жүктеп отыр. Ел сенімін ақтауға күш салу керек, – деді Дархан Сатыбалды.
Қасым-Жомарт Тоқаевқа кен орындарына жүргізілген тексеру жұмыстарының қорытындысы туралы есеп берілді. Марат Қарабаевтың айтуынша, заңбұзушылықтарға байланысты қатты пайдалы қазбаларды игеруге берілген 200-ден астам келісімшарт пен лицензия қайтарып алынды.
Министр 800-ден астам жобадан тұратын жаңа индустриялық инвестициялық жобалар топтамасының іске асырылуы туралы да баяндады.
Айта кетсек, Мемлекет басшысына көлік инфрақұрылымының дамуы жөнінде ақпарат берілді. Тиісті тапсырма бойынша Үкімет еліміздің көлік-логистикалық әлеуетін дамытудың 2030 жылға дейінгі тұжырымдамасын бекітті. Сондай-ақ транзиттік әлеуетті арттыру үшін вагон паркі тапшылығына қатысты мәселе шешіліп жатыр. «Stadler», «Alstom» және «Wabtec» компанияларының қатысуымен отандық зауыттарда вагон мен локомотив өндірісі басталады.
Президенттің 2029 жылға дейінгі сайлауалды бағдарламасын іске асыру аясында халықаралық автомобиль дәліздерін дамыту, соның ішінде республикалық маңызы бар 8 мың шақырым автожол салу және қайта жөндеу жұмыстары жүргізіліп жатыр.
Қасым-Жомарт Тоқаевқа азаматтық авиация саласындағы тұрақты өсім туралы айтылды. Сондай-ақ, 2022 жылы пандемияға дейінгі көрсеткішке қол жеткізілгені анықталып, Қазақстан авиакомпаниялары 11 миллионға жуық жолаушы тасымалдады. Айта кетсек, елімізде «Ашық аспан» режимі енгізілді. Ұшу географиясы кеңейіп келетіндігі жайлы толық түсіндірілді. 2025 жылға дейін Токио, Сингапур, Шанхай және Нью-Йорк бағыттарына рейстер ашылады деп жоспарланып отыр.
Есеп беру баарысын тыңдай келе, Қасым-Жомарт Тоқаев орта бизнесті дамыту және шикізат секторына, тау-кен өнеркәсібі мен геологиялық барлау салаларына инвестиция тарту жұмыстарын күшейтуді тапсырды.
Сонымен қатар Президент жол бойындағы, сондай-ақ әлеуметтік, инженерлік және коммуналдық инфрақұрылымдарды жаңғыртуға ерекше назар аударуды, өндірістегі отандық үлесті арттыру жұмысын күшейтуді және Қала құрылысы кодексін әзірлеуді жеделдетуді талап етті.