«Әділет» партиясы азаматтардың құқықтары мен мүдделерін қорғау, өңірлердегі өзекті мәселелерді шешуге ықпал ету, қоғамдық бақылауды дамыту және Мемлекет басшысының бастамаларын жүзеге асыру бағытындағы қызметін жүйелі түрде жалғастыруда.
Қазан айында партияға тұрғындардан 3 391 өтініш келіп түскен. Оның 1 855-і бойынша оң шешім қабылданып, тиісті жұмыстар жүргізілді.
Сонымен қатар партиялық бақылау аясында 170 нысанның жұмысы тексерілді. Нәтижесінде 76 заңбұзушылық анықталып, олардың 63-і түзетілді.
Ал халықтың қаржылық сауаттылығын арттыруға бағытталған «Қарызсыз қоғам» жобасы шеңберінде есепті кезеңде 4 431 азаматқа қолдау көрсетілді.
Аталған жұмыстар партияның азаматтармен кері байланысты нығайтуға, қоғамдық мәселелерді шешуге және әлеуметтік бастамаларды қолдауға бағытталған қызметінің негізгі бағыттарын құрайды.