Кішкентай нәрестенің шашы анасының құрсағында жатқан төрт айлық уақытында өсе бастайды екен, осы және өзгеде шашқа қатысты пайдалы ақпараттар назарларыңызға ұсынамыз
Бас терісі мен шаш күтімі әсемдік үшін ғана емес, адам жүйке жүйесінің дұрыс жұмыс жасауы үшін де маңызды.
Әрине біріншіден шаштың тазалығы оның сау әрі әдемі болып өсуінің кепілі. Дегенмен бас терісіне күнделікті шампуньды тигізе беру де дұрыс емес. Ол шаштың сиреуіне әкелуі мүмкін.
Зақымдалмаған, жұқармаған дені сау шаштар үшін — қазіргі уақытта жай ғана жуудың өзі жеткілікті күтім болып саналады. Жаздың күні 4-7 күнде бір (тершеңдігіңізге байланысты), қыстың күні 2-3 күнде жусаңыз жеткілікті.
Ал, егер шашыңыз майлы болса жаз уақытында күнара, қыстың күні күнде жумасаңыз, шаштың түрі бұзылады. Әсіресе, күнде шашыңызға гель, мусс, лак жағатын болсаңыз, күнде жууға тура келеді. Себебі, химиялық қоспаларды шашта ұзақ сақтау, шаштың түрін де, жағдайын да бұзады. Күнделікті жуу үшін сабын емес, жұмсақ арнайы шампунь қолдану керек. Қыста жиірек жуатын себебіңіз, бас киімнен шаштарыңыз дұрыс тыныс алып, желденбейді, сондықтан теріден артық май бөлінеді.
Құрғақ шаш иелері шашын жуардың алдында жақсылап суландырып алуы керек. Сосын шампуньды бас терісіне уқалай жаққаны дұрыс. Шашты ек рет шампуньмен көпіршіткен дұрыс,өйткені бірінші жууда кір, шаң мен тері майының бір бөлігі ғана шайылады екен.
Шампуннің емдік қасиеті тек екінші рет жуғанда барып өз нәтижесін береді.
Айта кететіні, шашты шайғанда таза, жылы суды қолданып, толық көбіктің кеткенін қадағалаңыз.
Бүгінгі таңдаайналамызда шаш күтіміне арналған түрлі қоспалар, маска, балзам, май түрлері жетерлік. Дегенмен әр нәрсені өз бетіңізше таңдамай, білікті мамандар қызметіне жүгінгеніңіз дұрыс болады.
Әр адамның шашының табиғаты әртүрлі болады. Соған сай мамандар қандай күтім қажеттігін айтады. Біз білетіндей шаш терісіне қарай ғана емес, формасына қарай да күтім жасауды талап етеді.
Ең дұрысы шаш түсуі жиілеп немесе бас терісінің зақымдануын байқасаңыз тері дәрігеріне жүгінген жөн.
Аймақ ақпарат