ГҮЛ СЫЙЛАУ ӘДЕПТЕРІ
Қызыл түсті гүлдер.
Адам миының психикалық белсенділігін арттырады. Қандағы адреналинді көтеріп, адамға күш-қуат береді. Қызыл түс арқылы ағзадағы жыныс гормондарының концентрациясы көбейеді, шаршауды басуға көмектеседі. Сол себепті, климаттық өзгерістерге ағзаңыз төзе алмаса бөлмеге қызыл түсті гүлдер қойыңыз. Өйткені оның атмосфералық өзгерістерді жеңуге көмегі зор.
Ақ түсті гүлдер. Олар тазалық пен ұқыптылықтың белгісі. Мұндай түсті гүлдерді көбіне жаны таза адамдар ұнатады. Ақ түсті гүлдер адамды жаман ойдан арылтып, сабырлылық пен сергектілік сыйлайды.
Ақ түсті гүлдерді шығынға ұшыраған адамға, немесе созылмалы аурудан айыға алмай зардап шегіп жүрген науқасқа сыйлаған дұрыс.
Сары түсті гүлдер.
Зат алмасу қызметін жақсартатын қасиетке ие. Сары түстілер орталық жүйке жүйесінің жұмысын реттеп, иммунитет күшін нығайтады. Бұндай гүлдерді жұқпа ауруларымен науқастанып жатқандарға немесе уайым шегіп жүргендерге берген жөн.
Көк түсті гүлдер. Көк түс — түн мен тыныштықтың түсі. Көк және ашық көк түсті гүлдер миға тыныштық сыйлап, ұйқының жайлы әрі жақсы болуына әсері мол.
Айта кетейік, гүлдің иісінде де осындай ерекшелік бар. Түстерінен бөлек, олардың иістері де адамның орталық жүйке жүйесіне әсер етіп, ағзаның өмір сүру қабілетін жақсартатын қасиеттері бар.
Жалбыз иісі бар гүлдер.Қан тамырларын кеңейтіп, артериялық қан қысымын қалыпты жағдайда ұстайды. Жүйке жүйесін тыныштандырып, жүрек шаншуын басады. Бас ауруын қойдыртады. Шаршауды басып, тән мен жанға қуат береді. Тәбетті арттырып, ас қорытуды жақсартады. Жүрек айнуын басады.
Түймедақ өзінің жұмсақ иісімен жүйкені тыныштандырып, ұйқыны жақсартатын гүл. Адамның жүйке жүйесін әлдендіріп, ми тамырларын кеңітетін қасиеті бар.
Гүлді таңдау кезінде қай оның қандай мағына беретінін де ескеру қажет:
• орхидея – сұлулық пен махаббат;
• раушан – ғашықтық (тікенексіз раушан – бір көргеннен ғашық болу); • қызғалдақ – тәнті болу, махаббат;
• нарғызгүл – нәзіктік;
• нәркес – құрмет;
• азалия – байсалдық;
• көкнәр – ләззат;
• ақкекіре – сұлулық;
• гладиолус – ынтызарлық;
• құралайгүл – адалдық, шынайы махаббат;
• бәйшешек – үміт;
• мимоза – кішіпейілдік;
• сүмбіл – ұнату;
• кекіре – әсемдік;
• қараған – сырлы махаббат;
• бөртегүл – алғашқы махаббат;
• магнолия – тәкаппарлық.
Гүлді үй жағдайында ұзақ ұстау үшін салқын бөлмеге қойып, суын күнде ауыстырып тұрған дұрыс. Қажет болса қант не ацетилсалицил қышқылын суға қосуға болады. Оған қоса астын қырқып тұру керек. Сонда гүлді бір аптаға дейін балғын қалпында сақтауға болады. Сондай-ақ гүлдің күн көзін жақсы көретін не керісінше ұнатпайтын түрлері де болады.
Аймақ ақпарат