Астана қаласында Робот құрастыру және бағдарламалау бағыты бойынша ашық халықаралық фестиваль өтті.
Ресей, Қырғызстан, Өзбекстан және қазақстандық білімді балалар сынға түскен сайыста “Зияткерлік Сумо” санаты бойынша шардаралық шәкірттер жүлделі І орынға ие болды. М.Қалмырза атындағы №3 мамандандырылған мектеп-интернатының 10 сынып оқушысы Асабек Бағдаулет пен 9 сынып оқушысы Анарбай Нұрислам өңір мерейін үстем етті. Топ жетекшісі — информатика пәнінің мұғалімі Маржан Саудабаева.
Айта кетейік, фестивальдің республикалық кезеңінде Қазақстан бойынша 120 команда бақ сынаған. Олардың арасында 4 үздік команда анықталып, халықаралық жарысқа жолдама алған болатын.
