Президент Жолдауында елімізде вакцина қоры жеткілікті, азаматтарымыздың таңдау мүмкіндігі бар екені айтылды. Вакцина жөнінде түрлі қауесет таратушы азаматтар, өздері адасқанымен қоймай, жұртты адастырып отырғанына назар аударылды.
«Халық денсаулығын сақтауда індетке қарсы вакцина салу жалғасады. Бұл бағытта жүйелі ақпарат жұмыстарын жалғастыруымыз қажет. Қаланың денсаулық сақтау саласын тұрақты екпе алу жүйесіне дайындауымыз керек» — деді Шымкент әкімі қала активінің отырысында.
Шымкент қаласында санитарлық-эпидемиологиялық ахуал тұрақталып келеді. Қалада өткен тәулікте КВИ-дің 79 жағдайы тіркелді. Оның ішінде белгілері бар 34 болса, белгілері жоқ 45. Індет жұқтырған 50 адам инфекциялық стационарға жатқызылып, 29 адам үй бақылауына алынды.
Қазіргі таңға мамандандырылған инфекциялық стационарларда барлығы 2680 орын бар, төсек орын толымдығы 48%-ды құрайды, 1320 төсек орын бос. Инфекциялық стационарда 1306 науқас емделуде,жансақтау бөлімінде –472төсек орын бар, 257 науқас ем қабылдауда.
Бір тәулік ішінде қалада 2159 адам вакцина алды
(I компонент-1293, II компонент-866).Егу науқаны басталғалы барлығы 440 608 адам вакцинацияланды. Оның ішінде 372 650 адам вакцинаның екі компонентін алды.