Қазақстан мұсылмандары діни басқармасының Түркістан облысындағы өкіл имамы Е.Қарақұлов Сайрам ауданына арнайы келді.
Өкіл имамның іс-сапары аудан әкімі Ұ.Сәдібековпен кездесуден басталды. Кездесуде Сайрам ауданындағы діни ахуал мен мешіттердің төңірегіндегі өзекті мәселелер және имамдардың біліктілігін арттыру туралы сөз болды
Сондай-ақ, өкіл имам Е.Қарақұлов ҚР Тәуелсіздігінің 30 жылдығы, ҚР Тұңғыш Президенті – Елбасы Н.Ә.Назарбаевтың «Рухани жаңғыру» бағдарламасы аясында Қазақстан мұсылмандары діни басқармасы Түркістан облысы, Сайрам және Түлкібас, Төлеби аудандарымен бірлескен рухани іс-шараларға қатысу үшін арнайы келгенін жеткізді.
Айта кетейік, Сайрам ауданында Қазақстан мұсылмандары діни басқармасына қарасты 110 мешіт бар.
Сайрам ауданы әкімінің баспасөз қызметі