Қазіргі таңда интернет сапасын арттыру мақсатында «BAIKONUR» мобильді қосымшасының көмегімен тестілік режімде «Kazakhturism» өкілдеріне «Зенит-М-ға» баруға рұқсат берілді. Болашақта «Байқоңыр» кешенінің барлық объектісіне, зымыран тасығышты дайындау және ұшыру кезінде қосылған объектілерді қоспағанда, осы мобильді қосымшаның көмегімен жіберу жоспарланып отыр. Интернет сапасын жақсарту — күн тәртібіндегі өзекті мәселелердің бірі. Осы орайда «Керек кеңес» айдары арқылы ғарыш саласын игерудің тиімділігі жөнінде өңір тұрғындарына танымдық һәм ақпараттық мақаламызды ұсынып отырмыз.
Сондай-ақ, орта ажыратымдылықтағы Жерді қашықтан зондтау спутниктерінің топтамасын құру жобасы қолға алынды. Жоба агрокультуралық сектордың, төтенше жағдайлардың, сондай-ақ табиғи ресурстарды пайдаланудың мониторингі бағытындағы мәселелерді шешуге бағытталды. Былтыр «JerInSpectr» және «Minerals.gov.kz» цифрлық платформалары коммерциялық пайдалануға берілді. Цифрлық платформаларды енгізу бойынша жоспардың орындалуы 40 пайызды құрады.
Өткен жылы В.Г.Фесенков атындағы Астрофизика институтында астрономиялық зерттеу хабын құру бойынша маңызды жоба іске асырыла бастады. АстроХаб – Ассы-Түрген обсерваториясындағы отандық және халықаралық оптикалық телескоптарды, жерге жақын ғарыш кеңістігін мониторингтеу кешендерін, жердегі обсерваториялар үшін оптикалық-механикалық аспап жасауда құзыреттілігі өсуін қамтамасыз ететін бақылаулар деректерін жинаудың, талдаудың, сақтаудың аппараттық-бағдарламалық құралдарын байланыстыратын бірыңғай экожүйе. Осы жұмыстардың бәрі ғарыш саласын игерудің, кеңжолақты интернет игілігіне жетудің – басы.
Сондай-ақ Цифрлық даму министрлігі Қолжетімді интернет» жобасын іске асырмақ. Қазір қолданыстағы заңнамаға және қаржы тетіктеріне өзгерістер енгізіліп жатыр.