ӨНЕРЛІНІҢ ӨРІСІ КЕҢ

ӨНЕРЛІНІҢ ӨРІСІ КЕҢ

25 просмотров

 

ӨНЕРЛІНІҢ ӨРІСІ КЕҢ

Жастардың ұйымдастырушылық қабілетін арттырып, тәрбие мен насихат жұмыстарына баулып келген Лаура Қасымова 30 жылға жуық еңбегін шығармашылыққа арнаған ұстаз.

Шымкент қаласындағы «Оқушылар сарайы» мекемесінің қосымша білім беру педагогы, «Шабыт» театр үйірмесінің жетекшісі Лаура Түгелбекқызы жастарды мектептен тыс үйірмелерде шығармашылыққа бағыттап, өнер шыңына жетелеп келеді.

Ол алғашқы еңбек жолын 1992 жылы ШҚО, Тарбағатай аудандық мәдениет бөлімінде көпшілік іс-шаралар режиссері ретінде бастаса, Шымкент қаласының дарынды өрендеріне 2005 жылдан бастап жетекшілік етті.

Білікті жетекші «Балалар және театр» авторлық оқу бағдарламасын құрастырып, үйірмелер арасында қалалық байқаудың ережесін түзген. Бүгінде шығармашылық байқауы қалада тұрақты түрде ұйымдастырылып отыр.

Мектептен тыс мекеме педагогтерінің жұмыс көрсеткіші –үйірмелердің жетістігімен бағаланады. Лаура Түгелбекқызы жетекшілігіндегі «Шабыт» театр үйірмесі республикалық байқауларда жоғары нәтижелерге жетіп, «Сахналық көрініс» номинациясы бойынша тек жоғары орындардан көрінеді. Ал 2018 жылы «Халықаралық «Ұлы Дала дарыны» өнер және білім байқауы «Жас сахна» номинациясы бойынша театр үйірмесі «Алтын жүлде» иегері болды.

Өткен жылы Ресеймен әріптестік аясында ұйымдастырылған «Живая классика» балалар шығармашылық I Халықаралық байқауында шымкенттік үйірме жоғары деңгейде өнер көрсетіп, «Үздік қойылым» номинациясы бойынша жеңімпаз болған. Бұл байқауда Лаура Касымова «Таңдаулы театр жетекшісі» номинациясы бойынша марапатталды.

–Өмірдегі ең басты жетістігім – балаларға сахна өнері мен мәдениет туралы сапалы білім бергенім. Сахналық қойылым бойынша үйірме түрлі деңгейдегі байқауларда ең жоғарғы көрсеткіштерді көрсетіп келе жатыр. Мен оқушыларымның осындай жетістігімен мақтанамын,-дейді ұстаз.

Добавить комментарий

Ваш адрес email не будет опубликован.