ЖЕТІСАЙЛЫҚ ЖАС КӘСІПКЕРЛЕР АЗЫҚ-ТҮЛІК ТАРАТТЫ

ЖЕТІСАЙЛЫҚ ЖАС КӘСІПКЕРЛЕР АЗЫҚ-ТҮЛІК ТАРАТТЫ

21 просмотров

ЖЕТІСАЙЛЫҚ ЖАС КӘСІПКЕРЛЕР АЗЫҚ-ТҮЛІК ТАРАТТЫ

Дүние жүзінде дүрбелең салып, адамзаттың жүрегіне үрей ұялатқан covid19 пандемиясы Жетісайлық жұртшылықты да айналып өтпеді. Аты жаман індет тұрғындары тығыз орналасқан ел арасында «Садовая» аталып кеткен Жетісай қаласының мөлтек аудандарының бірінен анықталған болатын. Анықталған аурудың адамдар арасында таралуының алдын алу, жолын кесу мақсатында ол аумақ карантинге жабылып, адамдардың жүріп-тұруы қатаң бақылауға алынды.Міне, осыған орай карантиндік аймақта қалған тұрғындарға жергілікті кәсіпкерлер мен әкімдік тарапынан түрлі әлеуметтік көмектер көрсетіліп келеді.Бүгін де сондай бір игілікті іс жасалды. Қаладағы «АББУ» құрылыс заттар дүкенінің иелері, жас кәсіпкерлер Жасұлан Оспанов Диас Шәріпбеков, «АБЗАЛ» тойханасының иесі Құттыбек Елтоқов, «АСПАН» пластикалық өнімдер дүкенінің иесі Ернар Молдабеков пен Жансур Мұратов, Ғани Толыбаев және Төлеби Махаметбетбердиев сынды табысты кәсіпкерлердің демеушілігімен 100 отбасыға азық-түлік пен тегін нан таратылды. Негізінен әлеуметтік қолдауды қажет ететін және көпбалалы отбасыларға, қараушысы жоқ қарттарға картоп, пияз, сәбіз, май мен шекер, ұн мен макарон сынды бірінші кезекте қажетті азық-түліктерді үлестірген жас кәсіпкерлерге тұрғындар шынайы алғыстарын білдіріп ақ баталарын берісті.«Мақсатымыз – мақтану емес, қиын сәтте қолұшын созу. Біз кәсіпкерміз. Кәсібіміздің берекесін бізге Құдай береді. Біз осы кісілердің арқасында кәсіпер болып, бизнесімізді жүргізіп отырмыз. Осындай ізгі шараны жалғастыруға ауданның барлық кәсіпкерлері де үн қосса дейміз» дейді кәсіпкер жастар.Жас та болса ауыздарынан Алла түспеген, жүректеріне иман ұялаған бұл жігіттер қайырымдылық шаралардан шет қалған емес. Алдағы уақытта да қайыры мол шараны жалғастыратындықтарын айтады.

Добавить комментарий

Ваш адрес email не будет опубликован. Обязательные поля помечены *